پاکستان کرکٹ ٹیم کے فاسٹ بولر شاہین شاہ آفریدی اور سابق کپتان شاہد آفریدی کی بیٹی انشا آفریدی کی شادی کی تقریب کراچی میں ہوئی، شادی کی تصاویر سوشل میڈیا پر وائرل ہورہی ہیں۔

شادی کی تقریب ڈی ایچ اے کے نجی بینکوئٹ میں ہوئی جس میں شاہد آفریدی اور شاہین شاہ آفریدی کے اہل خانہ اور دوستوں نے شرکت کی۔

پاکستان کرکٹ ٹیم کے مایہ ناز بلے باز شاہد آفریدی نے اپنے سوشل میڈیا اکاؤنٹ پرانشا اورشاہین آفریدی کے ہمراہ ایک تصویربھی شئیر کی۔

سابق کرکٹر شاہد آفریدی بیٹی کی رخصتی پرجذباتی ہوگئے۔ انہوں نے لکھا کہ ’آیا تھا گھر میں نور ابھی کل کی بات ہے، رخصت بھی ہو رہا ہے وہ آنکھوں کے سامنے، ڈوبا ہوا بھی ہے ترے بابا کا دل مگر، امید صبح نو اسے آئی ہےتھامنے‘۔

مزید پڑھیں:

شاہین آفریدی اور انشا نے مہمانوں سے کیا درخواست کی؟

شاہین شاہ آفریدی اور انشاء کی رُخصتی میں کرکٹ رکاوٹ بن گئی

شاہین شاہ اور انشاء آفریدی کی شادی کا کارڈ سوشل میڈیا پر وائرل

شادی کی تقریب میں کرکٹرز، شوبز انڈسٹری اور دیگر شعبوں سے تعلق رکھنے والے افراد نے بھی شرکت کی۔

سفید کپڑوں کے ساتھ کریم رنگ کی شیروانی میں ملبوس دلہا شاہین آفریدی اپنے قریبی عزیز و اقارب اور رشتے داروں کے ہمراہ بارات لیکر پہنچے تو شاہد خان آفریدی نے ان کا استقبال کیا۔

پاکستان کرکٹ ٹیم کے کپتان بابر اعظم ، مصباح الحق، سعید انور ، تنویر احمد اور سہیل خان بھی تقریب میں موجود تھے اس موقع پر کپتان بابر اعظم اور شاہین شاہ آفریدی خوشگوار موڈ میں دکھائی دیے۔

شاہین آفریدی اور انشا آفریدی کا رواں برس فروری کے آغاز میں کراچی میں نکاح ہوا تھا جس میں معروف کرکٹرز سمیت قریبی رشتے داروں نے شرکت کی تھی۔

شاہین آفریدی اور انشا کا ولیمہ 21 ستمبر کو اسلام آباد میں ہوگا۔