نو مئی کو جلاؤ گھیراؤ سے متعلق تھانہ گلبرگ کے مقدمے میں لاہور کی انسداد دہشتگردی عدالت نے میاں اسلم اقبال اور زبیر خان نیازی کیخلاف اشتہاری ہونے کی کارروائی شروع کردی۔

انسداد دہشت گردی عدالت کے جج عبہر گل نے 9 مئی کو تھانہ گلبرگ پر ہنگامہ آرائی کرنے کے کیس کی سماعت کی۔

پولیس نے عدالت میں موقف اپنایا کہ ملزمان کو گرفتار کرنے کے لیے متعدد کوششیں کی گئیں۔

کیس کے حوالے سے پولیس نے عدالت کو بتایا کہ ملزمان نے خود کو روپوش کر رکھا ہے۔

پولیس نے استدعا کی کہ عدالت ملزمان کے خلاف اشتہاری کی کارروائی شروع کرنے کا حکم دے۔

جج عبہر گل نے پولیس کی درخواست منظور کرلی۔

یہ بھی پڑھیں :

کوئٹہ کے قریب سکیورٹی فورسز پر حملہ، فائرنگ کے تبادلے میں 3 دہشت گرد مارے گئے

احاطہ عدالتوں میں اسلحہ اور ڈنڈے سوٹے لانے پر پابندی عائد

کراچی: فائرنگ سے جاں بحق ہونیوالی بچی کا کیس، ملزم جسمانی ریمانڈ پر پولیس کے حوالے

یاد رہے کہ ملزمان کے خلاف تھانہ گلبرگ پولیس نے مقدمہ درج کر رکھا ہے۔