سیشن کورٹ لاہور نے احاطہ عدالتوں میں اسلحہ اور ڈنڈے سوٹے لانے پر پابندی عائد کردی۔

سیشن کورٹ نے احاطہ عدالتوں میں سائلین، ملزمان کی گروپ بندی، موبائل فون سے ویڈیو بنانے اور ٹک ٹاک پر بھی پابندی کا حکم دے دیا۔

اس کے علاوہ گرفتار ملزمان کے ساتھ ہتھکڑیوں میں ویڈیو بنانے، حراستی ملزمان کے ساتھ ٹک ٹاک بنانے پر پابندی عائد کردی گئی ہے۔

سیشن کورٹ لاہور نے انتظامی احکامات کی خلاف ورزی کرنے والوں کے خلاف کارروائی کا حکم دے دیا ہے۔