پاکستان میں گزشتہ کئی دنوں سے سونے کی قیمتوں میں جاری کمی کے تسلسل کو اچانک بریک لگا اور اچانک سونا ہزاروں روپے مہنگا ہوگیا۔

عالمی مارکیٹ میں سستا ہونے کے باوجود پاکستان میں سونے کی قیمتیں ہزاروں میں شوٹ کرگئیں۔

منگل کو مقامی صرافہ مارکیٹ میں سونے کی فی تولہ قیمت میں 5600 روپے اضافہ ہوا۔ جس کے بعد فی تولہ سونا 2 لاکھ 15 ہزار روپے پر پہنچ گیا۔

10 گرام سونے کی قیمت میں 5058 روپےاضافہ ہوگیا۔

قیمت بڑھنے کے بعد 10 گرام سونا 1 لاکھ 84 ہزار 585 روپے ہوگیا۔

دوسری جانب عالمی مارکیٹ میں 15 ڈالر کی کمی سے فی اونس سونا 1911 ڈالر پر آگیا۔