مراکش میں آںے والے قیامت خیز زلزلے کے نتیجے میں اموات 2 ہزار سے زائد ہوگئیں ہیں، 1832سے زائد زخمی ہیں، 1200 کی حالت نازک ہے۔

زلزلے کے بعد علاقوں میں امدادی کارروائیاں جاری ہے، جبکہ مزید ہلاکتوں کا خدشہ ہے۔ آفٹرشاکس کاسلسلہ بھی جاری اور عوام کھلے مقامات پر رہنے پر مجبور ہیں۔

مراکش کی حکومت کی جانب سے ملک بھر میں 3 روز سوگ کا اعلان کیا ہے اور عالمی ادارہ صحت نے بتایا کہ زلزلے سے 3 لاکھ سے زائد افراد متاثر ہوئے ہیں۔

امریکی جیولوجیکل سروے کے مطابق زلزلہ ساڑھے 18 کلو میٹر زیر زمین آیا، زلزلہ ہائی اٹلس کے پہاڑوں میں آیا، زلزلے کے مرکز کے قریب مراکش شہر منہدم ہوگیا ہے۔

زلزلے مرکز کے قریب ترین بڑے شہر مراکش کے رہائشیوں کا کہنا ہے کہ یونیسکو کے عالمی ثقافتی ورثے میں شامل پرانے شہر میں کچھ عمارتیں منہدم ہو گئی ہیں۔

واضح رہے کہ زلزلے سے متاثرہ افراد کی مدد کے لیے او آئی سی، ڈبلیو ایچ او اور اقوام متحدہ نے مراکش کو امداد کی پیش کش کی ہے۔