ایشیا کپ سپر فور مرحلے کے میچ میں سری لنکا نے بنگلہ دیش کو 21 رنز سے ہرا دیا۔

سری لنکا اور بنگلہ دیش کے درمیان میچ کولمبو میں کھیلا گیا۔

آئی لینڈرز نے پہلے بیٹنگ کرتے ہوئے مقرہ 50 اوورز میں 9 وکٹوں کے نقصان پر 257 رنز بنائے۔

جواب میں بنگلہ دیش کی پوری ٹیم 49 ویں اوورز میں 236 رنز پر آوٹ ہوگئی۔ بنگلا دیش کے توحید ردوئے 82 رنز بنا کر نمایاں رہے لیکن وہ ٹیم کو فتح نہ دلواسکے۔

سری لنکا کی طرف سے سدیرا سمارا وکرما 93 رنز بنا کر نمایاں بلے باز رہے۔

سدیرا سمارا وکرما کے علاوہ سری لنکا کی طرف سے کوشال مینڈس نے 50، پتھم نسانکا نے 40 اور داسن شاناکا نے 24 رنز بنائے۔

بنگلہ دیش کی جانب سے تسکین احمد اور حسن محمود نے تین، تین وکٹیں حاصل کیں، جبکہ شریف الاسلام نے دو کھلاڑیوں کو آوٹ کیا۔