پاکستان کرکٹ بورڈ نے بھارت کے خلاف 11 رکنی ٹیم کا اعلان کردیا، ٹیم میں فہیم اشرف کوایک اور موقع دیا گیا ہے۔

بھارت کے خلاف وہی اسکواڈ کھیلے گا جو بنگلادیش کے خلاف کھیلا تھا۔

ٹیم میں بابر اعظم، محمد رضوان، شاداب خان، امام الحق، فخر زمان، سلمان آغا، افتخار احمد، نسیم شاہ، شاہین آفریدی اور حارث رؤف شامل ہیں۔

ایشیا کپ کے سُپرمرحلے میں پاک بھارت ٹاکرا 10 ستمبر کو کولمبو میں کھیلا جائے گا.

تاہم, سری لنکا میں جاری شدید بارشوں کے پیش نظر ایشین کرکٹ کونسل نے گزشتہ روز اس اہم میچ میں بارش کی صورت میں ریزرو ڈے رکھنے پر آمادگی ظاہر کی ہے۔