اسلام آباد ائرپورٹ سے منکی پاکس کے 4 مشتبہ مریض پمزاسپتال منتقلی کے دوران فرار ہوگئے۔ چاروں افراد کو لیبیا سے ڈی پورٹ کیا گیا تھا۔

ذرائع کے مطابق بارڈر ہیلتھ سروسز کے عملے کی مبینہ غفلت کے باعث لیبیا سے ڈی پورٹ کیے جانے والے منکی پاکس کے 4 مشتبہ مریض اسپتال منتقل کیے جانے سے قبل ہی فرار ہوگئے۔

چاروں کو پاکستان انسٹیٹیوٹ آف میڈیکل سائنسز منتقل کیا جارہا تھا۔

ذرائع نے بتایا کہ لیبیا سے بے دخل افراد کو خصوصی فلائٹ سے پاکستان لایا گیا تھا، اسکریننگ کے دوران 4 مشتبہ مسافروں کو الگ کیا گیا تھا۔

ذرائع بی ایچ ایس کے مطابق فرار ہونے والوں میں رحمان طارق، علی حمزہ، ذوالقرنین اور نعیم شامل شامل ہیں۔