لاہور ہائیکورٹ نے خدیجہ شاہ سمیت دیگر کی ضمانتوں پر تحریری فیصلہ جاری کردیا۔

خدیجہ شاہ سمیت دیگرکی ضمانتوں پر تحریری فیصلہ جاری کرتے ہوئے ملزمان کو ٹرائل کورٹ سے رجوع کرنے کی ہدایت کردی ہے۔

تحریری فیصلہ جسٹس عالیہ نیلم کی سربراہی میں دو رکنی بینچ نے جاری کیا ہے، ملزمان جناح ہاؤس سمیت دیگر مقدمات میں جلاؤ گھیراؤ میں ملوث ہیں۔

فیصلہ کے مطابق ملزمان نئی دفعات کی روشنی میں دوبارہ ضمانتیں دائرکریں۔

مزید کہا کہ عدالت درخواست ضمانتوں کو نمٹانے کا حکم دیتی ہے۔ پراسیکیوٹر نے بتایا دوران مقدمے میں نئی دفعات شامل کی گئیں ہیں۔