اسلام آباد ہائیکورٹ نے ڈسٹرکٹ کورٹس کے 19سول ججز اور مجسٹریٹس کو تبدیل کردیا۔ نیشنل جوڈیشل پالیسی کے تحت تین سال سے زائد عرصہ سے ایک ہی جگہ تعینات ماتحت عدلیہ کے ججز کو تبدیل کیا گیا۔

رجسٹرار آفس سے جاری نوٹیفکیشن کے مطابق سول ڈسٹرکٹ اینڈ سیشن ڈویژن سے 9 سول ججز محمد انعام اللہ، مبشرحسن، عمرشبیر، شہزاد خان، صہیب بلال، ملک امان، محمد نوید خان، عائشہ شبیراور امبرین اقبال کو سول ڈسٹرکٹ اینڈ سیشن ڈویژن ایسٹ میں ٹرانسفر کیا گیا ہے۔

سول ڈسٹرکٹ اینڈ سیشن ڈویژن ایسٹ کے 10سول ججز میں سے ڈاکٹر ثاقب جواد، ملک محمد عمران، سید حیدرشاہ، صائمہ نورین اقبال، محمد نصیر الدین، نائمہ عفت، نزہت محمود خان، ڈاکٹر محمد سہیل، عدنان رشید اور حفیظ احمد کو سول ڈسٹرکٹ اینڈ سیشن ڈویژن ویسٹ میں ٹرانسفر کر دیا گیا ہے۔

نوٹیفکیشن میں ایسٹ اور ویسٹ کے ڈسٹرکٹ اینڈ سیشن ججز کو نئے ٹرانسفر ہوکر آنے والے سول ججز یا مجسٹریٹس کو فرائض سونپنے کی ہدایت کی گئی ہے۔