محکمہ داخلہ سندھ نے چہلم حضرت امام حسین کے دوران سیکورٹی اقدامات کے پیش نظر ڈرون کیمرے اڑانے پر دفعہ 144 کے تحت پابندی عائد کر دی اور اس حوالے سے نوٹیفکیشن بھی جاری کر دیا گیا ہے۔

نوٹیفکیشن کے مطابق جمعرات کو نشتر پارک سے حسینہ ایرانیان امام بارگاہ کھارادر تک چہلم حضرت امام حسین کے مرکزی جلوس کی کوریج کے لیے ہیلی کیم اڑانے پر پابندی عائد ہوگی۔

پولیس کو ہدایت جاری کی گئی ہے کہ خلاف ورزی پر قانون کے مطابق کارروائی عمل میں لائی جائے گی۔