اٹک میں کامرہ کے قریب نامعلوم افراد کی جانب سے گاڑی پر فائرنگ کی گئی۔ جس کے نتیجے میں 3 افراد جاں بحق اور 3 زخمی ہوگئے۔

ریسکیو حکام کے مطابق پولیس نے ریسکیو کی مدد سے لاشیں اور زخمی اسپتال منتقل کردیے۔

پولیس کے مطابق نامعلوم افراد نے گاڑی پر اندھا دھند فائرنگ کی، واقعہ کی مختلف پہلوؤں سے تحقیقات کی جائیں گی۔

ابتدائی طور پر پولیس کا کہنا تھا کہ شواہد اکھٹے کرکے تحقیقات شروع کی جائیں گی۔

فائرنگ کے بعد علاقے میں خوف و ہراس پھیل گیا۔