ماہرین غذائیت کہتے ہیں کہ میٹھا کھانے کی طلب کی ایک بڑی وجہ جسم میں میگنیشیم کی کمی ہے۔

میگنیشیم نیورو ٹرانسمیٹر ڈوپامِن کے اخراج کے ساتھ ساتھ انسولین اور گلوکوز کی سطح کو بھی کنٹرول کرتا ہے۔

تاہم، میٹھے کی طلب صرف میگنیشیم کی کمی تک محدود نہیں ہے، یہ بہت سے عوامل کی وجہ سے ہوتی ہے۔

یہاں تک کہ وہ لوگ جو گردے کے مسائل کا شکار ہیں، ماہواری میں ہیں، یا جو ذہنی تناؤ کا شکار ہیں انہیں میٹھا کھانے کی شدید خواہش ہو سکتی ہے۔

ماہرین کا دعویٰ ہے کہ میٹھے کی طلب کو روکنے کے لیے آپ کو بہت زیادہ پانی پینا چاہیے اور اپنی غذا میں میگنیشیم سے بھرپور غذاؤں کو شامل کرنا چاہیے، جیسے کدو کے بیج، کیلے، پھلیاں، سبز پتے اور اناج۔

لیکن کچھ مصالحے بھی ہیں جو آپ کی میٹھا کھانے کی طلب کو کنٹرول کرنے میں مدد کرنے کی خصوصیات رکھتے ہیں۔ یہ مصالحے سوزش کو بھی روکتے ہیں۔

سبز الائچی

ماہرین کا خیال ہے کہ سبز الائچی جو کہ ذائقے سے بھرپور ہوتی ہے، اسے کھانے سے میٹھے کی طلب کو فوری طور پر کم کرنے میں مدد ملے گی۔

دھنیے کے بیج

دھنیے کے بیج یا ثابت دھنیا انسولین کے اخراج کو بہتر بنانے اور فری ریڈیکل نقصان کو کم کرنے کے لیے جانا جاتا ہے۔

انہیں آپ کی خوراک میں مستقل بنیادوں پر شامل کیا جا سکتا ہے یا کھانے کے بعد بھی لیا جا سکتا ہے۔

دار چینی

دار چینی انسولین کے اخراج کو بہتر بناتی ہے اور اسے سوزش کی خصوصیات کے لیے جانا جاتا ہے۔ اسے چائے، کافی، کیک، کوکیز اور شوربے میں شامل کیا جا سکتا ہے۔

سونف

سونف ایک خوشبودار پودا ہے جس میں متغیر خصوصیات ہیں جو چینی کی خواہش کو کم کرنے میں مدد کرتی ہیں۔

اس میں تروتازہ کرنے والا اور مصالحہ دار ذائقہ بھی ہے اور اس کے بیج سلاد اور شوربے کے ذائقوں کو اپ گریڈ کر سکتے ہیں، یا آپ انہیں یسے ہی چبا سکتے ہیں۔

لونگ

غذائی اجزاء سے بھرپور یہ مصالحہ اپنی گلیسیمک خصوصیات کے لیے جانا جاتا ہے۔ لونگ کو سوپ، چائے، چٹنی وغیرہ میں شامل کیا جا سکتا ہے۔

جائفل

ایک مشہور مصالحہ جو اپنے منفرد میٹھے ذائقے کے لیے جانا جاتا ہے، اور جسم میں سیروٹونن کی سطح کو بڑھاتا ہے، اس طرح موڈ کو بہتر کرتا ہے اور میٹھے کی طلب کو کم کرتا ہے۔