نگراں وزیراعظم انوارالحق کاکڑ کی زیرِ صدارت اسپیشل انویسٹمنٹ فیسیلیٹیشن کونسل (ایس آئی ایف سی) کی ایپکس کمیٹی کا اجلاس ہوا۔ جس میں آرمی چیف نے نگراں حکومت کو ہر ممکن تعاون کی یقین دہانی کرائی۔

اجلاس میں آرمی چیف جنرل عاصم منیر، چاروں صوبوں کے نگراں وزرائے اعلیٰ، وفاقی و صوبائی وزرا نے شرکت کی۔

شرکا کو ایس آئی ایف سی کےاقدامات سے متعلق بریفنگ دی گئی۔

مزید پڑھیں: اپیکس کمیٹی: دوست ممالک سے سرمایہ کاروں کو راغب کرنے کیلئے منصوبوں کی منظوری

اجلاس میں وزیراعظم نےایس آئی ایف سی کے مؤثر اقدامات کی تعریف کی اور ایس آئی ایف سی کے دوست ممالک سے جاری روابط کو سراہا گیا۔

ایپکس کمیٹی نے ایس آئی ایف سی کےاقدامات پر اعتماد کا اظہار کیا۔

کمیٹی اجلاس میں معیشت کی بحالی کی رفتار کو برقرار رکھنے کے عزم کا اظہار کیا گیا۔

اجلاس میں سرمایہ کاری کے منظور شدہ منصوبوں کی بھی توثیق کی گئی۔