بالی ووڈ اداکارہ سارہ علی خان تھیٹر میں میڈیا کی جانب سے بے تحاشا کوریج کرنے پرفوٹوگرافر پر سیخ پا ہوگئیں۔

سوشل میڈیا پر وائرل ہونے والی ایک ویڈیو کلپ میں سارہ علی خان کو شدید غصے کی حالت میں دیکھا جاسکتا ہے جہاں وہ اپنے دوستوں کے ساتھ فلم دیکھنے گئی تھیں ۔

سارہ علی خان اس وقت پریشان ہوگئیں جب کچھ فوٹوگرافرز انہیں تھیٹر میں پریشان کررہے تھے۔

ویڈیو میں دیکھا جاسکتا ہے کہ پہلے سارہ فوٹوگرافرز سے درخواست کرتے ہوئے کہتی ہیں کہ ’ جناب کیمرہ بند کردیں مجھے اچھا نہیں لگتا’۔