شہر قائد میں آج موسم مرطوب رہنے کے علاوہ ٹھنٹی ہوائیں اور بوندا باندی کا امکان ہے۔

موسم کی صورتحال بتانے والے ادارے کے مطابق کراچی میں اس وقت موسم مرطوب ہونے کے ساتھ درجہ حرارت 27 سینٹی گریڈ ریکارڈ کیا گیا ہے اور زیادہ سے زیادہ درجہ حرارت 29 سینٹی گریڈ جا سکتا ہے۔

شہر قائد میں آج بادل چھائے رہیں گے جب کہ دن کے وقت کراچی کے مختلف علاقوں میں بوندا باندی ہونے کا بھی امکان ہے۔

رپورٹ کے مطابق کراچی میں ہوا کی رفتار 33 فی کلو گھنٹہ رفتار ہے جو مزید اضافے کے بعد 51 فی کلو گھنٹہ کی رفتار ہوسکتی ہے۔

دوسری جانب محکمہ موسمیات کا کہنا ہے کہ ملک کے بیشتر میدانی علا قوں میں موسم گرم اور شدید حبس رہے گا۔

یہ بھی پڑھیں:

سندھ میں آج سے مون سون ہواؤں کا سلسلہ داخل ہوگا، محکمہ موسمیات کی وارننگ

اسلام آباد اور راولپنڈی میں موسلا دھار بارش، دیگر شہروں میں بھی برسات کی پیشگوئی

محکمہ موسمیات کے مطابق اسلام آباد، بالائی پنجاب، خیبر پختونخوا، گلگت بلتستان اور کشمیر میں تیز ہواؤں، آندھی اور گرج چمک کے ساتھ بارش متوقع ہے۔