چیرمین پی ٹی آئی نے ملک بھر مں درج دیگر مقدمات میں ممکنہ گرفتاری سے بچنے کے لئے سپریم کورٹ میں درخواست دائر کردی ہے، جس میں وفاقی حکومت، آئی جی پنجاب، بلوچستان اور سپریٹنڈنٹ جیل اٹک کو فریق بنایا گیا ہے۔

تحریک انصاف کے چیئرمین عمران خان نے ملک بھر میں درج دیگرمقدمات میں اپنی گرفتاری روکنے کیلئے سپریم کورٹ سے رجوع کرلیا ہے۔

چیئرمین پی ٹی آئی کی جانب سے سپریم کورٹ میں آرٹیکل184 تھری کے تحت درخواست دائر کی گئی ہے جس میں وفاقی حکومت، آئی جی پنجاب و بلوچستان، سپرنٹنڈنٹ جیل اٹک، نیب، ایف آئی اے، اے ٹی سی لاہور و اسلام آباد کو فریق بنایا گیا ہے۔

درخواست میں استدعا کی گئی ہے کہ چیئرمین پی ٹی آئی سابق وزیراعظم ،سیاسی جماعت کےسربراہ ہیں، ان کے خلاف حکومتی مشینری استعمال کرکے سیاسی انتقام بند کیا جائے۔