برطانیہ کے شہر لندن میں بھارتی انتہا پسند اور سکھ برادری کے افراد ایک دوسرے کے سامنے آگئے، تصادم کے نتیجے میں پولیس افسر سمیت 4 زخمی ہوگئے۔

صحافی مرتضی نے اپنی ٹوئٹ میں بتایا کہ تین افراد اسپتال میں تشویشناک حالت میں ہیں اور ایک پولیس افسر بھی زخمی ہے۔

واقعے کی ویڈیوز سوشل میڈیا پر تیزی کے ساتھ وائرل ہوگئیں، جبکہ پولیس کی جانب سے دونوں گروپوں کے درمیان ہونے والے تصادم کو روکنے کی بھی کوشش کی گئی۔

واضح رہے کہ انتہا پسندوں کے ہجوم نے ساؤتھ ہال ویسٹ لندن میں بھارت کے یوم آزادی کو منانے سے انکار کرنے پرسکھوں کے ایک گروپ پر حملہ کردیا تھا۔