امریکا نے پاکستان پر زور دیا ہے کہ وہ جڑانوالہ میں پُرتشدد واقعات کی مکمل تحقیقات کرے جہاں قرآن پاک کی مبینہ بے حرمتی کے بعد ہجوم نے گرجا گھرنذرآتش کیے اور مسیحی برادری کے گھروں پرحملے کیے۔

امریکی محکمہ خارجہ کے مطابق پاکستان میں قرآن کی بےحرمتی پر گرجا گھر اور مسیحیوں کے گھر نذرِ آتش کیے جانے پر تشویش ہے۔

مزید پڑھیں: جڑانوالہ چرچ واقعہ، نگراں وزیراعظم کی ملوث شرپسند عناصر کو گرفتار کرکے سزا دینے کی ہدایت

امریکی محکمہ خارجہ کے پرنسپل ڈپٹی ترجمان ویدانت پٹیل نے بدھ کے روز معمول کی پریس بریفنگ کے دوران ایک سوال کے جواب میں کہا، ’ہم سب کیلئے پرامن آزادئ اظہاراورعقائد و مذہب کی آزادی کے حق کی حمایت کرتے ہیں اورجسا کہ پہلے بھی کہہ چکے ہیں ہمیں مذہب کی بنیاد پر تشدد سے متعلق ہمیشہ تشویش رہی ہے‘۔

ویدانت پٹیل نے کہا کہ، ’ہم پاکستانی حکام پر زور دیتے ہیں کہ وہ ان الزامات کی مکمل تحقیقات کریں اور اس میں ملوث تمام افراد کے لیے لوگوں کو پرامن رہنے کی تلقین کریں‘۔