کراچی کے علاقے ڈیفنس میں سابق سی پی ایل سی چیف احمد چنائے کی گاڑی کو حادثہ پیش آیا ہے، حادثے میں احمد چنائے اور ان کے دوست محفوظ رہے۔

احمد چنائے کی گاڑی کو خیابان شاہین پر نامعلوم گاڑی سوار نے زوردار ٹکر ماری۔

حادثے کے نتیجے میں احمد چنائے کی گاڑی مکمل طور پر تباہ ہوگئی تاہم وہ اور ان کے دوست محفوظ رہے۔

احمد چنائے نے بتایا کہ گاڑی کو ٹکر مارنے والا شخص موقع سے فائدہ اٹھاتے ہوئے فرار ہونے میں کامیاب ہوگیا۔