مری میں غیرقانونی تعمیرات کے خلاف آپریشن دوسرے روز بھی جاری رہا، آپریشن کے دوران ہیوی مشینری کا استعمال کیا گیا۔

آپریشن کے دوران مری ایکسپریس وے ڈنہ کے مقام پر متعدد عمارتوں کو مسمار جبکہ بعض عمارتوں کو جزوی نقصان پہنچایا گیا۔

مزید پڑھیں

سیاحوں کو کنٹرول کرنے کیلئے گاڑیوں کا مری میں داخلہ بند

وزیراعظم شہباز شریف لاہور سے مری پہنچ گئے

اس موقع پر متاثرین کے احتجاج پر پولیس نے شدید لاٹھی چارج کیا، جس سے 5 کے قریب افراد شدید زخمی ہوگٸے۔

ادھر گزشتہ روز جھیکا گلی کے مقام پر آپریشن کے خلاف احتجاج پر مری پولیس نے مظاہرین کے خلاف ایف آٸی آردرج کروادی، جس میں 12 افراد کو نامزد جبکہ 50 کے قریب نامعلوم افراد کے نام درج کیے گئے ہیں۔

ایف آٸی آر میں کار سرکار میں مداخلت اور سڑک بند کرنے کی دفعات بھی شامل کی گئی ہیں۔