مسلم لیگ ن کی رہنما حنا پرویز بٹ کو لندن میں بیٹے کے ہمراہ ہراساں کیے جانے کا واقعہ پیش آیا ہے۔

حنا پرویز بٹ نے دعویٰ کیا ہے کہ ان پر پی ٹی آئی کارکنوں نے حملہ کیا۔

سماجی رابطوں کی ویب سائٹ ایکس (ٹوئٹر) پر حنا پریویز بٹ نے اپنے ساتھ پیش آنے والے واقعے کی ویڈیو شیئرکی جس میں وہ بیٹے کے ہمراہ موجود ہیں۔

خود پر بوتلیں پھینکنے کے بعد وہ پیچھے مڑ کردیکھنے کی کوشش کررہی ہیں تاہم اس دوران ان کا بیٹا والدہ کو اگے لیکر بڑھ جاتا ہے۔

حنا پرویزنے لکھا کہ پی ٹی آئی کارکنوں نے بیٹے کے سامنے مجھ پر بوتلیں پھینکیں اور گالیاں دیں۔

لیگی رہنما نے سوال اٹھایا کہ ، ’ کیا یہ بد تہذیب لوگ ایسی حرکات کر کے پاکستان کا نام روشن کر رہے ہیں یا بدنام کر رہے ہیں؟’۔

انہوں نے مزید لکھا کہ ، ’اللہ کا شکر ہے میرے لیڈر نواز شریف نے ہمیشہ صبر اور تہذیب کی تعلیم دی جسے ہم کبھی نہیں چھوڑیں گے‘۔