لاہور کے گریٹر پارک میں یوم آذادی کی مناسبت سے تقریب کا انعقاد کیا گیا ہے، جس میں شاندار آتشبازی کی جائے گی، جب کہ نامور گلوکار راحت فتح علی خان میوزیکل پروگرام میں فن کا مظاہرہ کریں گے۔

کمشنر لاہور محمد علی رندھاوا کے مطابق گریٹر اقبال پارک میں رات 12 بجے شاندار آتشبازی کا مظاہرہ ہوگا، اور فائر ورکس کی تقریب 10 سے 15 منٹ کے دورانیے پر مشتمل ہوگی، جب کہ ایل ڈی اے سٹی اور گلبرگ میں بھی آتشبازی کا مظاہرہ ہوگا۔

کمشنر لاہور نے بتایا کہ 14 اگست کی صبح حضوری باغ میں جشن آزادی کی مرکزی تقریب ہوگی، جس میں نگراں وزیر اعلی محسن نقوی مہمان خصوصی ہوں گے۔

کمشنر لاہور کے مطابق 14 اگست کی شام نشتر کمپلیکس میں جشن آزادی میگا میوزیکل پروگرام ہوگا، اور دنیا موسیقی کے نامور گلوکار راحت فتح علی خان جشن آزادی میوزیکل پروگرام میں فن کا مظاہرہ کریں گے، شہریوں کیلیے میوزیکل پروگرام میں انٹری اوپن ہے۔