اتحادی حکومت کے جاتے ہی وفاقی اسپتالوں میں کی گئی بھرتیاں بھی منسوخ کردی گئیں جبکہ وزارت صحت نے وفاقی اسپتالوں سے بھرتیوں کا اختیار واپس لے لیا۔

وزارتِ صحت نے پولی کلینک اور پمز اسپتال میں کی گئیں بھرتیاں منسوخ کردیں جبکہ وزارتِ صحت کی جانب سے بھرتیوں کی منسوخی کا حکم نامہ جاری کردیا گیا۔

جاری مراسلے میں پمز اور پولی کلینک میں بھرتیوں کے لیے قائم ڈیپارٹمنٹل سلیکشن کمیٹیاں تحلیل کردی گئی۔

مزید پڑھیں

پمزاسلام آباد کی ایمبولینس آٹا اسمگلنگ کیلئےاستعمال ہونے لگی

اسلام آباد میں بارش سے ایک دن قبل شدید گرمی میں پمز کے 5 مریض دم توڑ گئے

اسلام آباد: نجی اسپتال کے انکیوبیٹر میں بچی کی ٹانگیں جلنے کا واقعہ نیا رخ اختیار کرگیا

پمز اور پولی کلینک میں گریڈ ایک سے 15 تک کی گزشتہ ماہ بھرتیاں ہوئی تھیں، پمز میں گریڈ ایک سے 15 کی 349 جبکہ پولی کلینک میں گریڈ ایک سے 4 کی 60 آسامیوں پر بھرتیاں کی گئیں۔

اس کے علاؤہ جولائی میں پولی کلینک میں گریڈ 1 سے 4 بھرتی کے لیے انٹرویو بھی کیے گئے۔

وزارت صحت نے تمام بھرتیاں منسوخ کرتے ہوئے وفاقی اسپتالوں سے بھرتیوں کا اختیار واپس لے لیا۔