حیدر آباد میں اسپتال میں خاتون نے بیک وقت چھ بچوں کو جنم دیا، تاہم پانچ بچے انتقال کر گئے۔

حیدرآباد کے اسپتال میں چھ بچوں کو جنم دینے والی خاتون ریکھا لکشمن کا تعلق عمر کوٹ سے ہے۔

دنیا میں آنے والے نئے مہمانوں میں سے تین لڑکے اور تین لڑکیاں تھیں۔

عمر کوٹ سے تعلق رکھنے والی خاتون کے آنگن میں 6 بچوں کی بہار آئی لیکن ان بچوں میں سے 5 انتقال کرگئے۔

زندہ بچ جانے والا بچہ اسپتال کی نرسری میں زیر علاج ہے۔

اسپتال کے ایم ایس نے بتایا کہ خاتون کے ہاں قبل ازوقت آپریشن کے ذریعے بچوں کی ولادت ہوئی۔

ڈاکٹر کے مطابق طبی پیچیدگیوں کی وجہ سے خاتون کا آپریشن کرکے بچوں کی پیدائش قبل از وقت کروائی گئی تھی، تاہم خاتون کی حالت خطرے سے باہر ہے۔