کوئٹہ میں بھائیوں کی فائرنگ سے بہن سمیت دو افراد جاں بحق ہوگئے۔

پولیس کے مطابق نیو سریاب کے علاقے کلی زرین کے رہائشی عبدالحکیم کے دو بیٹوں نے گھر میں فائرنگ کر کے اپنی بہن اور احمد علی نامی شخص کو فائرنگ کر کے قتل کردیا۔

ملزمان واقعے کے بعد جائے وقوعہ سے فرار ہوگئے۔

اطلاع ملنے پر پولیس نے موقع پرپہنچ کر لاشوں کو اسپتال پہنچایا جہاں ضروری کارروائی کے بعد لاشیں ورثا کے حوالے کر دی گئیں۔

پولیس نے مقدمہ درج کر کے ملزمان کی تلاش شروع کر دی ہے۔