ہاؤسنگ کالونی میں 10 سالہ گھریلو ملازمہ پر مبینہ تشدد کا واقعہ سامنے آیا ہے، متاثرہ بچی کا باپ مقدمہ درج نہ ہونے پر سیشن کورٹ پہنچ گیا، جوڈیشل مجسٹریٹ نے بچی کا میڈیکل کرانے کا حکم دے دیا۔

فیصل آباد کے علاقے ہاؤسنگ کالونی میں 10 سالہ گھریلو ملازمہ کو مبینہ تشدد کا نشانہ بنایا گیا ہے۔

متاثرہ بچی کا باپ مقدمہ درج نہ ہونے پر سیشن کورٹ پہنچ گیا، اور مؤقف پیش کیا کہ بچی کی مالکن اور ساتھی نے بچی کے جسم کو استریوں سے داغا، اور چھریوں کےساتھ جسم پر کٹ لگائے گئے۔

جوڈیشل مجسٹریٹ نے ایس ایچ او تھانہ صدر کو بچی کا میڈیکل کروانے کا حکم دے دیا ہے، اور ذرائع کا کہنا ہے کہ صبا نامی بچی کو الائیڈ اسپتال میں منتقل کردیا گیا ہے۔