صدر مملکت عارف علوی نے پاکستان ایئر پورٹس اتھارٹی کے قیام سمیت 3 بلوں کی منظوری دے دی، تینوں بلوں کی منظوری آئین کے آرٹیکل 75 کے تحت دی گئی۔

ایوانِ صدر کے پریس ونگ کے مطابق صدرمملکت نے الیکشنز (دوسری ترمیم) بل 2023 کی منظوری دی، بل کا مقصد الیکشن ایکٹ 2017 ء میں ترمیم کرنا ہے۔

صدر مملکت نے پاکستان ساورن ویلتھ فنڈ بل 2023 کی بھی منظوری دی، بل کا مقصد پاکستان ساورن ویلتھ فنڈ کا قیام ہے۔

صدر عارف علوی نے پاکستان ایئر پورٹس اتھارٹی بل 2023 کی بھی منظوری دی، اس بل کا مقصد ایئر پورٹس کے بہتر انتظام، آپریشن و ترقی اور ایئرٹرانسپورٹ خدمات میں بہتری کے لیے پاکستان ایئرپورٹس اتھارٹی کا قیام ہے۔

صدر مملکت عارف علوی نے تینوں بلوں کی منظوری آئین کے آرٹیکل 75 کے تحت دی ہے۔

یاد رہے کہ گزشتہ روز بھی صدر مملکت ڈاکٹر عارف علوی نے آئین کے آرٹیکل 75 کے تحت 5 بلوں کی منظوری دی تھی۔