لاہور کی انسداد دشت گردی عدالت نے شیر پاؤ پل پر اداروں کے خلاف تقریر اور جلاؤ گھیراؤ کیس میں پاکستان تحریک انصاف کی رہنماء یاسمین راشد کے جوڈیشل ریمانڈ 13 روز کی توسیع کردی۔

انسداد دہشت گردی عدالت کی جج عبہر گل خان کے روبرو ڈاکٹر یاسمین راشد کو تھانہ سرور روڈ کیس میں پیش کیا گیا۔

مزید پڑھیں: پولیس کی گاڑیاں جلانے کا کیس: یاسمین راشد کے جسمانی ریمانڈ کی استدعا مسترد

عدالت کو بتایا گیا کہ ملزمہ کا جوڈیشل ریمانڈ مکمل ہو چکا ہے، عدالت جوڈیشل ریمانڈ میں توسیع کا حکم صادر کرے۔

عدالت نے پولیس کو مقدمہ کا چالان جلد مکمل کر کے پیش کرنے کا حکم دیتے ہوئے، ڈاکٹر یاسمین راشد جوڈیشل ریمانڈ میں 17 اگست تک توسیع کر دی۔

مزید پڑھیں: جلاؤ گھیراؤ کیس: یاسمین راشد کی بعد از گرفتاری درخواست ضمانت خارج

یاد رہے کہ تھانہ سرور روڑ میں درج مقدمے میں ڈاکٹر یاسمین راشد اور دیگر پر جناح ہاؤس جلاؤ گھیراؤ کیس درج ہے۔