وفاقی وزیر خواجہ آصف کا کہنا ہے کہ جن لوگوں نے چیئرمین پی ٹی آئی جیسے مردم شناس شخص کو چنا، ان کی عقل کا خوب اندازہ لگایا جا سکتا ہے۔

سماجی رابطے کی ویب سائٹ ٹویٹر پر اپنی ٹویٹ میں وزیر دفاع خواجہ آصف کا کہنا تھا کہ عمران خان تھوک کے حساب سے اپنی پارٹی سے اپنے پرانے ساتھیوں کو نکال رہا ہے اور ان کو سوشل میڈیا پر پی ٹی آئی والے گالیاں دے رہے ہیں۔

خواجہ آصف نے کہا کہ چیئرمین پی ٹی آئی کے بقول نکالے گئے لوگ اس کی 27 سالہ جدوجہد کے ساتھی تھے، جو شخص 27 سال میں اپنے قریب ترین رہنے والے ساتھیوں کو نہیں پہچان سکا تو اس کی عقل پر ماتم ہی کیا جا سکتا ہے۔

خواجہ آصف کا مزید کہنا تھا کہ جن لوگوں نے عمران خان جیسے مردم شناس شخص کو چنا، ان کی عقل کا بھی خوب اندازہ لگایا جا سکتا ہے۔