سپریم کورٹ نے توشہ خانہ فیصلے کے خلاف دائر اپیل کی مزید سماعت کو ہائیکورٹ کے فیصلے سے مشروط کردیا۔

سپریم کورٹ میں جسٹس یحییٰ آفریدی کی سربراہی میں تین رکنی بینچ نے توشہ خانہ فیصلے کے خلاف دائر اپیل پر سماعت کی۔

جسٹس مظاہر نقوی اور جسٹس مسرت ہلالی بھی بینچ کا حصہ ہیں۔

دوران سماعت جسٹس یحیی آفریدی نے ریمارکس دیے کہ عدالت عظمیٰ نے جو ریلیف آپ کو دینا تھا وہ دے دیا، باقی ریلیف آپ کو ہاٸیکورٹ سے ہی ملے گا۔

جسٹس یحییٰ آفریدی نے کہا کہ آپ کی درخواست غیر موثر ہوچکی تھی پھر بھی سنا اور حکم دیا، ہم صورتحال کوسمجھ رہے ہیں۔

جسٹس یحیی آفریدی نے مزید کہا کہ ہم نے سمجھا تھا ہائیکورٹ آپ کو بہتر آرڈر دے گی، پہلے ہائیکورٹ کوفیصلہ کرنے دیں پھرسپریم کورٹ آئیں۔

عدالت نے کیس کی سماعت 4 اگست تک ملتوی کردی۔