والدین کی ڈانٹ سے دلبراشتہ ہوکر گھر سے بھاگنے والے دوبچوں کو ریلوے حکام نے تحویل میں لے کر بحفاظت ماں باپ کے حوالے کردیا۔

ریلویز نے گھر سے بھاگنے والے بچوں کو والدین سے ملا دیا، بچے ٹرین کے ذریعے لاہور سے میانوالی جارہے تھے۔

ترجمان ریلویز نے بتایا کہ بچے والدین کی ڈانٹ ڈپٹ سے دلبراشتہ ہوکر گھر سے بھاگے تھے، اور ٹرین کے ذریعے لاہور سے میانوالی جارہے تھے کہ ڈیوٹی افسر نے بچوں کو سرگودھا ریلوے اسٹیشن پر اتارلیا۔

ترجمان نے بتایا کہ ڈیوٹی افسر نے بچوں کے والدین سے رابطہ کیا، اور بچوں کو بحفاظت والدین کے حوالے کردیا، جب کہ بچوں کے ورثاء نے ریلوے پولیس کے تعاون اور فرض شناسی کا شکریہ ادا کیا۔