گجرات میں صوبائی اسمبلی کی نشست کے امیدوار چوہدری افگن فاروق نے مونس الہیٰ پر فائرنگ کا مقدمہ درج کرادیا۔

تحریک انصاف کے رہنما اور سابق وزیراعلیٰ پنجاب پرویزالہیٰ کے بیٹے مونس الہیٰ کے خلاف ایک اور مقدمہ درج ہوگیا ہے۔

گجرات میں صوبائی اسمبلی کی نشست کے امیدوار چوہدری افگن فاروق نے مونس الہیٰ پر فائرنگ کا مقدمہ درج کرادیا ہے، اور مقدمے میں مونس الہیٰ سمیت12 افراد کو نامزد کیا گیا ہے۔

مقدمے میں مؤقف اختیار کیاگیا کہ مونس الہیٰ نے مقابلے میں کاغذات نامزدگی جمع کرانے پر دھمکیاں دیں، جس کے بعد مؤنس الہیٰ کی ایما پر میرے بیٹے اور گارڈ پر فائرنگ کرائی گئی۔