دریائے سندھ پر بننے والے گھوٹکی کندھ کوٹ پُل کی سیکیورٹی ایف سی کے حوالے کردی گئی ہے۔

مذکورہ فیصلہ کراچی میں سیکریٹری محکمہ داخلہ کی زیرِ صدارت ہونے والے اجلاس میں کیا گیا ہے۔ حکومت سندھ نے فرنٹیئر کانسٹیبلری کی نفری کی تفصیلات طلب کرلیں ہیں۔ فیصلہ کیا کہ کچے میں پولیس اور رینجرز کے ساتھ ایف سی کی تعیناتی ناگزیر ہے۔

ڈائریکٹر آپریشن ایف سی کا کہنا ہے کہ کراچی میں ایف سی 29، حیدرآباد اور سکھر زون میں ایف سی کی 8 پلاٹون تعینات ہیں۔ ایف سی کی ہر پلاٹون میں 35 اہلکار شامل ہوتے ہیں۔

انہوں نے بتایا کہ ایف سی سندھ بھر کی اہم جیلوں اور غیر ملکی سفارتخانوں، قونصلیٹ اور غیرملکی مشن کو ایف سی سیکیورٹی فراہم کرتی ہے۔