اوپن مارکیٹ میں 20 کلو آٹے کا تھیلا 50 روپے اور 10 کلو آٹے کا تھیلا بھی 20 روپے سستا ہوگیا۔

پنجاب میں محکمہ خوراک کی جانب سے چینی اور آٹے کی ذخیرہ اندوزوں کے خلاف کارروائیاں جاری ہیں، اور اس کا یہ اثر سامنے آیا ہے کہ اوپن مارکیٹ میں آٹے کی قیمت گرنا شروع ہوگئی ہے۔

ڈیلرز ایسوسی ایشن کے مطابق مارکیٹ میں گندم سستی ہونے کے باعث آٹے کی قیمت میں کمی ہوئی ہے، اور اب 20 کلو آٹے کی قیمت میں 50 روپے جب کہ 10 کلو آٹے کے تھیلے پر 20 روپے کم کئے گئے ہیں۔

ڈیلرز ایسوسی ایشن کے مطابق 20 کلو آٹے کے تھیلے کی قیمت 2850 سے کم ہو کر 2800 روپے اور 10 کلو آٹے کے تھیلے کی قیمت 1420سے کم ہو کر 1400روپے ہو گئی ہے۔