پاکستان مسلم لیگ (ق) کے صدر چوہدری شجاعت حسین نے سیاسی امور پر فیصلہ سازی کے لیے مشاورتی کمیٹی تشکیل دے دی۔

چوہدری شجاعت حسین نے سیاسی امور اور آئندہ عام انتخابات سے متعلق امور پر فیصلہ سازی کے لیے پاکستان مسلم لیگ کی مشاورتی کمیٹی تشکیل دے دی۔

کمیٹی مسلم لیگ (ن) اور پاکستان پیپلز پارٹی (پی پی پی) سے نگراں سیٹ اپ اور آئندہ انتخابات میں سیٹ ایڈجسٹمنٹ کے حوالے سے مذاکرات کرے گی۔

کمیٹی میں طارق بشیر چیمہ، چوہدری سالک حسین، چوہدری محمد سرور اور چوہدری شافع حسین شامل ہوں گے۔