پاکستان کے معروف ڈیزائنر اور اداکار حسن شہریار یاسین کی جانب سے شادی سے متعلق ایک اہم انکشاف سامنے آیا ہے۔

حال ہی میں ایک ٹی وی شو کے دوران اپنی زندگی کے مختلف پہلوؤں کے بارے میں بات کرتے ہوئے انہوں نے بتایا کہ کس طرح 15 سال کی عمرمیں پاکستان واپس آنے کے بعد انہوں نے اردو زبان کو سیکھا ہے۔

پروگرام کے دوران میزبان نے بندوق کی نوک پر شادی سے متعلق فرضی سوال کیا جس پر حسن نے مزاحیہ انداز میں جواب دیا کہ وہ اداکارہ مہوش حیات سے شادی کریں گے۔

اسی دوران انہوں نے اپنے بچپن کی یادوں کو تازہ کرتے ہوئے بتایا کہ 16 سال کی عمر میں مالی طور پر وہ خود مختار ہوگئے تھے۔

ایک دلچسپ انکشاف کرتے ہوئے ڈیزائنر نے کہا کہ انہوں نے لندن میں برطانوی شہزادی ڈیانا کی شادی میں اپنی والدہ کے کندھوں پر بیٹھ کر شرکت کی تھی۔

واضح رہے کہ حسن شہریاریاسین نے پاکستان کے بہت بڑے ڈیزائنر ہونے کے ساتھ ساتھ اداکاری میں بھی اپنا لوہا منوایا ہے۔