انڈونیشا کے سولاویسی جزیرے میں بحری جہاز ڈوبنے سے پندرہ افراد ہلاک اور انیس لاپتہ ہوگئے۔

انڈو نیشیا کے حکام کا کہنا ہے کہ بحری جہاز میں 40 مسافر سوار تھے جس میں سے 19 اب بھی لاپتہ ہیں جبکہ چھ زندہ بچ گئے ہیں۔

ابتدائی طور پر جہاز ڈوبنے کی وجہ سامنے نہیں آسکی، حادثہ آدھی رات کو پیش آیا۔

سرچ اینڈ ریسکیو ایجنسی کے اہلکار محمد عرفہ نے بتایا کہ تمام متاثرین کی شناخت کر لی گئی ہے اور انہیں اہل خانہ کے حوالے کر دیا گیا ہے جبکہ زندہ بچ جانے والے افراد اب مقامی اسپتالوں میں زیر علاج ہیں۔