روس کے دارالحکومت ماسکو کے ایک شاپنگ مال میں گرم پانی کی پائپ لائن پھٹنے سے چار افراد ہلاک اور دس ہو گئے۔

روسی میڈیا کے مطابق ماسکو کے شاپنگ مال میں جب گرم پانی کا پائپ پھٹا تو ایک تیز دھماکے کی آواز آئی، پائپ پھٹنے کے بعد عمارت میں پانی بھر گیا جبکہ دروازے سے بھاپ نکلتی بھی دیکھی گئی۔

واقعہ کے بعد ماسکو کے ہنگامی خدمات کے ادارے جائے وقوعہ پر پہنچے اور امدادی سرگرمیاں انجام دیں۔

حادثے میں زخمی ہونے والے افراد کو گرم پانی سے جلنے کے زخم آئے، جنہیں فوری طور پر اسپتال منتقل کیا گیا۔

ماسکو کے میئر سرگئی سوبیانین نے زخمیوں کے گرم پانی سے جھلسنے کی تصدیق کی۔

جس شاپنگ مال میں پائپ پھٹا وہاں ڈیڑھ سو دکانیں ہیں۔ اس مال کو ورمینا گوڈا (دی سیزنز) کے نام سے جانا جاتا ہے۔