بلوچستان کے شہر کوئٹہ میں کانگو سے متاثرہ ایک اور مریض دم توڑ گیا۔ خیبر پختونخوا کے شہر پشاور میں کانگو وائرس نے سر اٹھا لیا، تین کیسز رپورٹ ہوگئے۔

کوئٹہ میں کانگو کا مریض 27 سالہ فضل الرحمان فاطمہ جناح اسپتال میں زیرعلاج تھا، لیکن وہ مرض کی شدت بڑھنے سے دم توڑ گیا۔

کوئٹہ میں شہری کے جاں بحق ہونے کے بعد رواں سال کانگو سے جاں بحق افراد کی تعداد 10ہوگئی ہے۔

دوسری طرف پشاور میں بھی کانگو وائرس کے 3 مثبت کیسز رپورٹ ہوگئے۔

پشاور میں کانگو وائرس کی علامات رکھنے والے تینوں مریض حیات آباد میڈیکل کمپلیکس میں زیر علاج ہیں۔

اسپتال میں زیر علاج مریضوں کا تعلق کوہاٹ، بٹ خیلا اور باڑہ سے ہے۔