لاہور ہائیکورٹ نے پاکستان تحریک انصاف (پی ٹی آئی) کے چیئرمین عمران خان کو مقدمات میں تادیبی کارروائی سے روکنے کا حکم واپس لے لیا۔

لاہور ہائیکورٹ میں چیرمین پی ٹی آئی کے پنجاب کے کیسز یکجا کرنے اور کارروائی روکنے کی درخواست پر سماعت ہوئی۔ جسٹس عالیہ نیلم نے عمران خان کی درخواست پرسماعت کی۔

سرکاری وکیل نے کہا کہ مقدمات کے چالان کے حوالے سے رپورٹس تیار کرلی گئی ہیں۔ تیار کردہ رپورٹس جلد عدالت پیش کردی جائیں گی۔

چئیرمین تحریک انصاف کے وکیل انتظار حسین پنجوتھہ نے کہا کہ سینئر وکیل دستیاب نہیں، عدالت مہلت دیتے ہوئے سماعت ملتوی کرے۔

انہوں نے استدعا کی کہ عدالت تادیبی کاروائی سے روکنے کا حکم واپس نہ لے۔

عدالت نے چئیرمین پی ٹی آئی کے وکیل کے پیش نہ ہونے پر سماعت غیر معینہ مدت تک ملتوی کردی۔

لاہور ہائیکورٹ نے عمران خان کو مقدمات میں تادیبی کارروائی سے روکنے کا حکم واپس لے لیا۔

درخواست میں صوبے میں سابق وزیراعظم کے خلاف کیسز یکجا کرنے کی استدعا کی گئی ہے۔

درخواست میں چیئرمین پی ٹی آئی کے خلاف کیسز میں تادیبی کارروائی سے روکنے کی بھی استدعا کی گئی ہے۔