اینٹی کرپشن فیصل آباد ریجن نے چیئرمین پی ٹی آئی عمران خان کی بہن ڈاکٹر عظمیٰ خان کو اراضی ریکارڈ اسکینڈل جھنگ میں20 جولائی کو طلب کرلیا۔

ترجمان اینٹی کرپشن کے مطابق سابق اے ڈی ایل آرعرفان محمود سمیت دیگر ملزمان کو بھی طلب کیا گیا ہے۔

تمام ملزمان کو اینٹی کرپشن فیصل آباد میں انکوائری کمیٹی کے سامنے پیش ہونے کا حکم دیا گیا ہے۔

ڈاکٹرعظمی خان پر کروڑوں روپے کی اراضی غیر قانونی طور پر اپنے نام کروانے کا الزام ہے۔

عظمی خان کے خلاف جھنگ میں ایک ہزار کنال اراضی اسکینڈل میں اینٹی کرپشن انکوائری کررہا ہے۔