لیسکو نے سنگل اور تھری فیز میٹروں کی قیمت میں اضافہ کر کے نوٹیفکیشن جاری کردیا۔

لیسکو نے لاہور کے شہریوں کے لئے سنگل اور تھری فیز میٹروں کی قیمت میں اضافہ کردیا ہے، اور اس حوالے سے لیسکو کی جانب سے نوٹیفیکیشن بھی جاری کر دیا گیا ہے۔

نوٹی فکیشن کے مطابق سنگل فیز میٹرکی قیمت 4 ہزار سے بڑھا کر 7400 روپے مقرر کی گئی ہے، جب کہ تھری فیز میٹرز کی قیمت 15 ہزار سے بڑھا کر 33500 کر دی گئی ہے۔

نوٹی فکیشن میں بتایا گیا ہے کہ نئی قیمتوں کا اطلاق فوری ہوگا۔