محکمہ موسمیات نے کراچی میں بارش کی پیشگوئی کردی، صبح اور شام کے اوقات میں بوندا باندی ہوسکتی ہے۔

محکمہ موسمیات کے مطابق کراچی میں آئندہ 24 گھنٹے کے دوران موسم گرم، مرطوب اور جزوی ابرآلود رہنے کا امکان ہے۔

شہر میں زیادہ سے زیادہ درجہ حرارت 35 ڈگری سینٹی گریڈ تک پہنچ سکتا ہے، ہوا میں نمی کا تناسب 70 فیصد ریکارڈ کیا گیا۔

محکمہ موسمیات کا کہنا ہے کہ شہر میں 17 کلو میٹر فی گھنٹہ کی رفتار سے ہوائیں چل رہی ہیں۔

محکمہ موسمیات نے 20 سے 22 جولائی کے دوران سندھ کے دیگر شہروں کی طرح کراچی میں بھی بادل برسنے کی پیشگوئی کی ہے۔