یورپی یونین پاکستان فرینڈ شپ فیڈریشن پرتگال نے پاک فوج سے اظہار یکجہتی کیلئے ریلی نکالی، جس میں پاکستان زندہ باد اور پاک فوج زندہ باد کے نعرے لگائے گئے۔

صدر ای یو پاک فرینڈشپ فیڈریشن پرتگال قاسم شاہ کی زیر صدارت ”پاکستان زندہ باد، پاک فوج زندہ باد“پروگرام کا انعقاد کیا گیا۔ جس میں سانحہ 9 مئی کی بھرپور مذمت کی گئی۔

تقریب کے شرکا نے 9 مئی کے مجرموں اور سہولت کاروں کو سزا دینے کا مطالبہ کیا۔

اوورسیز پاکستانیوں نے اپنی نوعیت کی ایک منفرد ریلی بھی نکالی، شرکا نے آرمی چیف جنرل عاصم منیر اور پاک فوج کے دیگر افسران کی تصاویر اٹھا رکھی تھیں۔

ریلی کے شرکا نے “پاکستان زندہ باد، پاک فوج زندہ باد کے نعرے لگائے اور پاک فوج کے شہداء کو خراج عقیدت پیش کیا۔