پشاور کی انسداد دہشت گردی عدالت نے سابق رکن خیبرپختونخوا اسمبلی ارباب وسیم حیات اور ملک واجد کی درخواست ضمانت مسترد کردی، پولیس نے دونوں ملزمان کو احاطہ عدالت سے گرفتار کرلیا۔

پشاور کی انسداد دہشت گردی عدالت میں سابق اراکین اسمبلی ارباب وسیم حیات اور ملک واجد کی درخواست ضمانت پر سماعت جج عامر نذیر نے کی۔

سابق ایم پی ایز ضمانت قبل از گرفتاری کے لیے آج عدالت میں پیش ہوئے۔

پشاور کی انسداد دہشت گردی عدالت نے ارباب وسیم حیات اور ملک واجد کی ضمانت قبل از گرفتاری درخواست مسترد کر دی جس کے بعد پولیس نے دونوں کو احاطہ عدالت سے گرفتار کر لیا۔

واضح رہے کہ 9 اور 10 مئی کو جلاؤ گھیراؤ اور توڑ پھوڑ کیس میں پی ٹی آئی کے سابق ایم پی ایمز ارباب وسیم اور ملک واجد کیخلاف تھانہ خان رازق میں مقدمہ درج کیا گیا تھا۔

کیس میں گرفتاری سے بچنے کے لیے دونوں نے انسداد دہشت گردی عدالت میں قبل از گرفتاری ضمانت کے لیے درخواست دائر کی تھی۔