پولیس نے لیاری گینگ وار رحمان ڈکیت گروپ کے سرغنہ کو دستی بم اور بم بنانے والے آلات سمیت گرفتار کرلیا۔

کراچی میں ڈسٹرکٹ سٹی پولیس نے اسنیپ چیکنگ کے دوران لیاری گینگ وار رحمان ڈکیت گروپ کے سرغنہ کو دستی بم اور بم بنانے والے سامان کے ساتھ گرفتار کرلیا۔

پولیس کے مطابق گرفتار ملزم لیاری گینگ وار کے بدنام زمانہ کردار رحمان ڈکیت کا بیٹا ہے، اور ملزم قتل اقدام قتل، پولیس مقابلوں میں پولیس کو مطلوب تھا۔

حکام نے بتایا کہ گرفتار ملزم کے قبضے سے دیسی بم، بم بنانے میں استعمال ہونے والے آلات، بیٹریاں برآمد ہوئی ہیں، بم کو بی ڈی ایس نے ناکارہ بنا دیا ہے۔