سندھ اسمبلی نے عادی مجرموں کی نگرانی کیلیے برقی کڑا لگانے سے متعلق مجوزہ قانون سازی کا بل متفقہ طورپر منظورکرلیا۔

سندھ میں عادی مجرموں کی نگرانی کا قانون سازی کا بل سندھ اسمبلی میں منظور کرلیا گیا ہے، گزشتہ برس دسمبر میں قانون سے متعلق بل اسمبلی میں پیش کیا گیا تھا، جو اب منظور ہوا ہے۔

مجوزہ بل کے تحت اب عادی مجرموں کو برقی کڑا لگایا جائے گا۔ بل کے متن کے مطابق چوری، ڈکیتی، اقدام قتل کے ملزمان، کار، موٹرسائیکل چوری و چھیننے والے اور منشیات کے عادی مجرموں کو الیکٹرک کڑا لگایا جاٸے گا۔

ایوان میں بل متفقہ طور پر منظور کرلیا گیا، اور سندھ اسمبلی کا اجلاس پیر کی صبح 11 بجے تک ملتوی کردیا گیا۔