اسلام آباد پولیس نے مدرسے میں طالب علم پر تشدد کرنے والے قاری کو گرفتار کر لیا۔

سوشل میڈیا پر ایک ویڈیو وائرل ہوئی تھی جس میں ایک نامعلوم مدرسے میں قاری کی جانب سے طالب علم کو بدترین تشدد کا نشانہ بنایا جارہا ہے۔

ویڈیو سوشل میڈیا پر جنگل کی آگ کی طرح پھیل گئی، جس کے بعد اسلام آباد پولیس نے فوری ایکشن لیتے ہوئے وفاقی دارالحکومت کے سیکٹر آئی 10 میں واقع مدرسے کے قاری کو گرفتار کرلیا۔

پولیس حکام کا کہنا ہے کہ ملزم قاری کی جانب سے 12 سالہ طالبعلم کو تشدد اور حبس بے جا میں رکھا گیا۔ قاری کو گرفتار کرکے مقدمہ درج کرلیا گیا ہے۔

پولیس حکام نے بتایا کہ سوشل میڈیا پر وائرل وڈیو ہونے پر مدرسے کے قاری کو گرفتار کیا گیا ہے۔