بلوچستان کے علاقے سوئی میں سیکیورٹی فورسز کے آپریشن کے دوران فائرنگ کے تبادلے میں پاک فوج کے 3 جوان شہید اور دودہشت گرد ہلاک ہوگئے۔

پاک فوج کے شعبہ تعلقات عامہ (آئی ایس پی آر) کےمطابق گزشتہ سوئی میں آپریشن کے دوران سیکیورٹی فورسز اوربھاری ہتھیاروں سے لیس دہشتگردوں کے درمیان فائرنگ کا تبادلہ ہوا۔

اس دوران 3 بہادرجوان بہادری سے لڑتے ہوئے شہید ہوگئے جبکہ 2 دہشت گرد مارے گئے۔

اس سے قبل ژوب میں دہشت گردوں کے حملے کے بعد شروع ہونے والا کلیئرنس آپریشن مکمل کرلیا گیا جس میں پانچ دہشت گرد مارے گئے۔

واقعے میں 9 سیکورٹی اہلکار بھی شہید ہوئے۔